#003
Anueite, dormí un poucu mechor. Parece que quitéi’l mieu Fitbit alredor de las 5:40, seique porque m’amolestaba’l pulsu, pero nun m’alcuerdo de nada.
Pola mañana, trabachéi un ratadín mientras escuitaba Introvertendo, ya fui entrenar. De camín, paséi polo Dia a recocher un ḷḷibro de cómics que ḷḷevaba años buscando ya atopéi en Wallapop: «Na punta (la llingua)» de Neto.
Güei tamién fixe una amecedura d’exercicios compuestos ya aisḷḷáus, pero nun contéi bien las series ya terminéi fendo más volumen de lo que quería.
Después de comer, fui a Madrid porque había tarde de xuegos de mesa na Asociación. Cercanías, pa variar, va de pena. Hubo una avería ya la Renfe caḷḷaditos como putas, nun anunciaron nadina hasta cuasi una hora espués. Saltáronse 3 trenes ya tuvimos más de media hora paraos en Vallecas ensin nenguna información. Púnxime muito nervioso porque nun me presta chegar tarde. Además, el ḷḷibro, una decepción: ni una tira en paḷḷuezu… tou en asturianu normativo.
Na nuesa mesa, xugamos 4 partidas de «Código Secreto Imágenes». Había una moza muito borde que nun sabía perder ya tamién taba un mozu guapete col que yá había coincidido en Ocio una vez.