#014
No hay yo dormi embuenamente anoche. Usually hende yo dere-derecho ta dormi, so ya desperta yo maga a las 6, 'cabar ta mira yo cellphone mientras ta mea. Aquel para dormi ya yo ole, tiene ya’n email conmigo na tiene yo cosa ya olvida hace. Ya’n set yo reminder luego tarde, 'cabar ya precura yo dormi ole, pero no hay siempre yo puede man relax. So na ulihi ya hace ya lang yo con el cosa debe yo hace, 'cabar ya puede yo dormi masquin un poquito lang.
Ya almorza kame de Á., 'cabar ya manda kame corta pelo. Despues, ya’n workout kame back pati shoulders. Ya proba kame hace cable rows usando con el bench. Mas alegre gad man workout si tiene tu uban. Dol injured pa el hombro de Á., so solo-solo yo ya acaba man workout. 'Cabar, ya anda yo na grocery para compra carne. Ya compra tambien yo fabada aquel de lata kay tarda ya con ansias yo con ese come.
Ya quema yo con el de mio rice cooker. Bueno ya lang kay ya puede yo ole quemao y no hay cosa ya pasa, pero ya derreti gane el plastico del maga pies. Suerte yo kay ya puede yo saca rice cooker igual con el tiene yo na Wallapop.
Enante’ ya vene si Á. na grocery cerca del de mio casa para compra lucky chocolate. 'Cabar ya’n cuento kame pati ya come chocolate. Ahora trabaja anay yo hasta de noche.
Ta extraña man yo kay ya’n email yo con el un bookstore del Sunday, masquin Wednesday ya no hay pa reply. So ya checkea yo and turns out na de mio cuerpo gale con ese yo ya envia…